Басты Жаңалықтар Инклюзивті білім беру көрсеткіші 90 пайызға жетті

Инклюзивті білім беру көрсеткіші 90 пайызға жетті

15.04.2026 17:29

Атырау облысында инклюзивті білім беру көрсеткіші 90 пайызға жетті. Аудандардағы білім ордаларында арнайы психологиялық-педагогикалық, емдік дене шынықтыру кабинеттері ашылып жатыр. Жылыой ауданында «Игілік» бағдарламасы арқылы жүзеге асқан жоба тағы да жалғасын тауып, алдағы уақытта барлық мектептен арнайы сыныптар ашу көзделіп отыр. Әріптесім Нұрсұлтан Нұрсейіт жалғастырады.

Биыл Құлсары қаласында 5 мектепте инклюзивті сынып ашылды. Барлығы заманауи талапқа сай, құрал-жабдықпен толық қамтылған. Құлсары қаласының тұрғыны Бақыт Ырзабаева баласының ерекше екенін даярлық сыныбында байқаған. Содан бері ұлымен педагог ассистенттер жұмыс істеп келеді. Ата-ана шағын орталықтың баланы жан-жақты дамытудағы үлесі басым екенін айтады.

Бақыт Ырзабаева, Құлсары қаласының тұрғыны:

Басында келген балам агрессивный болды. Содан емделдік, апайлардың да жылы сөзінің, көмегінің арқасында қазір балам бір орында отыра алады. Тыңдай алады, ести алады, берген заттарды орындайды.

Қазір №16 Далабай Жазықбаев атындағы мектепте ашылған 2 кабинетте 14 оқушы оңалтудан өтуде. Демеушілікпен ашылған сыныптардың бірі психологиялық педагогика, ал екіншісі баланы емдік дене шынықтыру арқылы оңалтуға бағытталған. Олармен 10 педагог ассистент жұмыс істейді. Дегенмен әлі де маман тапшы.

Саягүл Еркінғалиева, әлеуметтік педагог:

Бізге логопед, дефектолог мамандар керек. Оларға сұраныс берілді. Қазір қарастырылып жатыр маман. Барлық құрал-жабдықтар бар, барлық жағдайы жасалған балалардың дамуына, сапалы білім алуына.

Инклюзивті білімге мұқтаж балалар үшін қажетті деңгейде жағдай жасалып жатыр. Бірақ алыстан қатынайтын оқушылардың мәселесі әлі де өткір тұр. Сондықтан аудандағы мектептердің барлығынан біртіндеп инклюзивті кабинеттер ашу жоспарда, бар, - дейді жауаптылар.

Гүлнафис Айшуақова, Жылыой ауданы әкімінің орынбасары:

Мектепке әр аумақтан барады балалар. Мысалы аэропорт ықшам ауданынан ол баланы 1 ықшам ауданға тасымалдау қиын болады. Соған байланысты өз аумағында тұрған мектептен кабинет ашып, сондай жағдай жасағымыз келеді.

Ал облыс бойынша арнайы білімді қажет ететін 7 мыңнан астам бала бар. Оның 5737-сі психологиялық-педагогикалық қолдаумен қамтылған. Оларға арнайы білім беру қызметтерін көрсететін 19 ұйым жұмыс істейді.

Автор

Нұрсұлтан Нұрсейіт

Бөлісу