Семейде жазда ыстық су берілетін болды

Семейде жазда ыстық су берілетін болды. Бұл облыс орталығында жылдар бойы шешілмей келе жатқан түйткіл еді. Тұрғындар жаз шықса су ысытатын құрылғыларды пайдаланып немесе суық суды қанағат тұтуға мәжбүр болды. Енді биыл қаладағы 600-ден астам көпқабатты тұрғын үй ыстық сумен қамтылмақ. Мамандар бірнеше жылу көзінен кезең-кезеңімен берілетіндігін айтады. Дегенмен, жөндеу жұмыстарына байланысты 90-нан астам үйде уақытша шектеулер болуы мүмкін. 2025 жылы 12,6 млрд теңге бөлініп, 23 жылу орталығы мен 22 шақырым құбырлар желісі жөнделді.