Басты Жаңалықтар «Апамның шәйін» ішуге болмайды

«Апамның шәйін» ішуге болмайды

14.04.2026 17:15

Батыс Қазақстан облысында бірқатар сүт пен шай, тәтті өнімдердің құрамынан сәйкессіздіктер анықталып, сатуға тыйым салынды.

Жыл басынан бері 203 өнім тексерілген. Олардың 169-ы азық-түлік, қалғаны өзге тауарлар. Зертханалық талдау нәтижесінде 26 өнімде санитариялық-гигиеналық талаптар сақталмағаны анықталды. Атап айтқанда, сүттің майлылығы қорабындағы көрсеткішпен сәйкес келмеген. Шәй құрамынан бояғыш, зиянды заттар анықталған. Кей тағамның микробиологиялық, химиялық құрамы бұзылған. Мұндай тауарлар кері қайтарылады немесе сөреден алып тасталынуы тиіс.

Гүлдана Кереева, облыстық санэпидемиологиялық бақылау департаменті басшысының орынбасары:

Біздің мамандардың сараптама жүргізуінің нәтижесінде «Новый день» сүтіне, «Апамның шәйі» сияқты азық-түлік өнімдеріне сәйкессіздік анықталғандықтан, оның декларациясы бір айға тоқтатылды. Мемлекеттік бас санитарлық дәрігерлер оны дүкен сөрелерінен алып тастайды, яғни сатуға тыйым салынады немесе жеткізген бизнес иесіне қайтарады.