Басты Жаңалықтар Ұлттық ұланда 11 түрлі аспапты меңгерген сарбаз борышын өтеуде

Ұлттық ұланда 11 түрлі аспапты меңгерген сарбаз борышын өтеуде

14.04.2026 13:21

Ұлттық ұланда 11 түрлі аспапты шебер меңгерген сарбаз әскери борышын өтеп жүр. Рамзат Азизұлы қазір Түркістан қаласындағы 5574 әскери бөлімінде қатардағы жауынгер. Домбыра, шертер, гитара және бас-гитараны, сондай-ақ, ұрмалы аспаптарды еркін меңгерген. 21 жастағы Рамзат Жамбыл облысының Жуалы ауданының тумасы. Ата-анасы музыка пәнінің мұғалімі. Әскерге шақырылғанға дейін ол Астанадағы Еркеғали Рахмадиев атындағы мемлекеттік академиялық филармония жанындағы «Қорқыт» этно-фольклорлық ансамблінің құрамында өнер көрсеткен. Музыкант ретінде телевизиялық жобаларға да қатысқан. Ал әскерде оның музыкалық қабілеті қызметтің алғашқы күндерінен бастап қолдау тапқан.

Рамзат Азизұлы, 5574 әскери бөлімінің сарбазы:

Жалпы, әскерге келгелі өзімнің өнер жолымды жарты жолдан қалдырып кетпей, осы жерде жалғастырудамын. Қазіргі таңда әр мерекеде әр іс-шараларда өз өнерімізді көрсетіп, қарулас бауырларымыздың рухын көтеріп, іс-шараға атсалысып, қызметте жүреміз.

Автор

Айнұр Әбілқасым

Бөлісу