Басты Жаңалықтар Таразда 538 көп қабатты үй тозып тұр

Таразда 538 көп қабатты үй тозып тұр

13.04.2026 17:17

Таразда 550-ге жуық көпқабатты үй күрделі жөндеуді қажет етеді. Баспаналардың басым бөлігі жарты ғасырдан бері сылақ көрмеген.

Соның салдарынан кейбір үйлердің шұрық тесік шатырынан су сорғалап, жертөлесін жағымсыз иіс жайлаған. Қыстың күні жарығы да жиі сөнеді. Соның бірі Асқаров көшесіндегі 200-ден аса тұрғыны бар №21 үй. 51 жыл бұрын салынып, әлі күнге күрделі жөнделмегендіктен бетон шатыры жарылып кетіпті. Пәтерлердің төбесінен су сорғалай бергендіктен сылақтары сыпырылып түскен. Ал 3 жыл бойы қала билігіне шағым айтқан бұқара жауаптылар жөндеу жүргізуге құлықсыз деп отыр.

Меруерт Сәметова, Тараз тұрғыны:

Құбырлардың барлығы шіріп кеткен. Астында шынын айтқанда қазір құрттар бар деген сияқты. Ауыз су тұтынып жатқан трубалардың шіруіне байланысты тұтынуға мүлдем жарамайды. Сол себепті біз сырттан 5 литрлік баклашкалармен әкеп ақылы су тұтынамыз. Әйтпесе бізде тұрған таза суды қолдана алмай отырмыз қанша жылдан бері. Кешкі уақытта бізде напор болмайды. Ондай кезде біз кезекпен пайдаланамыз десек те болады.

Тараз әкімдігі жаңғырту бағдарламасы былтырдан бері тоқтап тұрғанын айтты. Былтыр және биыл жөнделуі тиіс 130-дан аса үйге әлі күнге қаржы қарастырылмаған. Қалай қаржы бөлінеді, солай жөнделе бастайды.

Сұлтанмахмұд Өтешов, қала әкімдігі тұрғын үй қатынастары бөлімінің басшысы:

Өтінім бергенбіз, ресбуликалық бюджетке 7,8 миллиардқа, 73 үйді күрделі жөндеуге. Өкінішке орай қаржы тапшылығы, болмады қаржы бөлінбеді. Бірақ біздің бюджеттік өтініміміз өтпелі біз қайтадан жаңартып қайтадан енгіздік. 2026 жылға осы 2025 жылы жасалмаған үйлер 73 үйді жасау жоспардамыз.

Автор

Данияр Әлімқұл

Бөлісу