Былтыр еліміз IT-қызметтер экспортынан 1 млрд доллардан астам табыс тапқан

2025 жылдың қорытындысы бойынша еліміз алғаш рет цифрлық технологиялар саласында таза экспорттаушы ретінде танылып отыр. Былтыр Қазақстан IT-қызметтер экспортынан 1 млрд доллардан астам табыс тапқан. Сарапшылар мұны елдің инновциялық жүйесінің қалыптасып, халықаралық нарықта бәсекеге қабілетті болғанының көрсеткіші деп бағалайды. Негізгі өсім драйвері – Astana Hub резиденттері. Бүгінде отандық IT-шешімдер әлемнің 110-нан астам еліне экспортталады. Алдағы уақытта ел билігі халықаралық нарықтағы ықпалын кеңейтіп, Кремний алқабы мен Оңтүстік-Шығыс Азия бағытында жаңа хабтар арқылы жұмысты ілгерілетуді жоспарлап отыр.