Сот орындаушының қызметін ЖИ атқара бастады

Енді сот орындаушылардың қызметіне төленетін 25 пайыз комиссия қалтаңызда қалады. Себебі сот орындаушының қызметін жасанды интеллект алмастырып жатыр. Бұл туралы бүгін Орталық коммуникациялар қызметі алаңында өткен брифингте Әділет Вице-министрі Бекболат Молдабеков мәлімдеді. Оның айтуынша, атқарушылық іс жүргізуді цифрландыру аясында «робот сот орындаушысы» енгізілген. Бұл - толықтай жасанды интеллект негізінде жұмыс істейтін жүйе. Ол жеке сот орындаушысының қызметін атқарады және азаматтардың қаражатын үнемдеуге мүмкіндік береді. Бүгінде бұл жүйе халыққа 3-4 млрд теңге үнемдеуге көмектескен.