Ақтауда «Хакатон – жарқын идеялар» байқауы өтіп жатыр

Оған Қазақстан, Орталық Азия және Каспий маңы елдерінің студенттері, магистрант, докторанттары мен жас ғалымдары қатысуда. Олар төмен көміртекті энергетиканы, соның ішінде жасыл сутегі технологияларын дамытудың жолдарын қарастырады. Шараға Германияның беделді ғалымдары төрелік етіп жатыр. Қатысушыларға ортақ тапсырма беріліп, олардың инженерлік әрі ғылыми ойлау қабілеті бағаланды. Сонымен қатар, әр топ жасыл сутегіні өндіру, сақтау және тасымалдау бойынша жобаларын ағылшын тілінде қорғайды.