Су үнемдеу –биылғы егістің басты талабы

Биыл егіс алқабында күріш азаяды. Мақсат – суды үнемдеу. Осыған байланысты биылғы егіс науқаны су тапшылығын ескере отырып, жүргізіліп жатыр. Күріш алқабы  20  мың гектарға қысқарды. Бидай алқабы азайды. Суды аз қажет ететін дақылдарды егуге басымдық берілді. Демек майлы және мал азығына қажет дақылдар көбейеді. Елде су үнемдеу технологиясына басымдық беріліп, тамшылатып суару 80 мың гектарға жуықтады. Қазір көктемгі егіс жұмыстарына дайындық жоғары деңгейде. 402 мың тонна арзан дизель бөлінді. Техниканың 90%-ы дайын. Тұқым қоры жеткілікті.

Қабылданған шаралар нақты нәтижелер беруде. Егер бұрын жыл сайын қамту көлемі 30–35 мың гектарды құраса, 2024–2025 жылдары бұл көрсеткіш жылына шамамен 150 мың гектарға жетті. 2025 жылдың қорытындысы бойынша су үнемдеу технологиялары қолданылған алқаптар 543 мың гектарды құрап, нәтижесінде 874 млн текше метр суару суын үнемдеуге мүмкіндік берді.