Алғашқы әскери дайындықты күшейту қажет

Өздері сап түзеп, сарбаз болмағандар оқушыларды патриоттыққа баулып жүр. Елімізде «Алғашқы әскерге дайындық» пәнінен сабақ беретін 5 мыңға тарта мұғалім бар. Алайда соның 16 пайыздан астамы қару ұстап, қызмет етіп көрмегендер екен. Бұл туралы бүгін Мәжілісте халықаралық істер, қорғаныс және қауіпсіздік комитетінің отырысында айтылды. Сондықтап жауаптылар олқылықтың орнын толтырып, жасөспірімдердің Отанға деген сүйіспеншілігін арттыру жұмыстарын күшейту қажет, - дейді.  Осы мақсатта алдағы 3 жылда еліміздің әр өңірінде 20-ға жуық әскери мектеп ашылмақ.

Бұл жерде мысалы әрбір ауылдарда алғашқы әскери пәннің өзінің кабинеттері бар. Ол кабинеттердің жабдықталуы әлі де толықтай шешілген жоқ. Кезінде енді білесіздер, арнайы тирлер болатын. Түрлі плакаттар болатын. Қару-жарақтың түрлері болатын, оларды жинап, оларды танысып, білетін оқу-әдістемелік құралдары болатын. Олардың мәселесі әлі де шешілмей жатыр.