Алматы тауларында экологиялық бастама іске қосылды

Алматы тауларында экологиялық бастама іске қосылды. Енді демалушылар қоқыс жинап, тегін кофе ала алады.

«Бұтақты» визит-орталығында қолға алынған жобаға сәйкес, Іле-Алатауы ұлттық паркіне келушілер жиналған қоқысты арнайы пунктке тапсырады. Оның орнына қатысушыларға тегін кофе немесе шай беріледі. Бастама «Таза Қазақстан» акциясы аясында жүзеге асып жатыр. Мамандар бұл жоба табиғатты қорғау мәдениетін қалыптастыруға ықпал ететінін айтады.