Грекияда әлеуметтік желіге тыйым салмақшы

Грекияда жасөспірімдерге әлеуметтік желіні пайдалануға тыйым салынуы мүмкін. Егер парламент заң жобасын қолдаса, келесі жылдан бастап кәмелетке толмағандар мессенджерлерді пайдалана алмайды. Әзірге ұсыныс заң жобасы ғана, осы жазда парламент талқылауына шығады деген жоспар бар. Ақпан айында грекиялық ALCO сауалнама компаниясы зерттеу жүргізіп, халық шектеуді жаппай қолдайтынын көрсетті. Бұған дейін грекия үкіметі мектепте ұялы телефон пайдалануға тыйым салып, балаларды экран алдында тым көп уақыт өткізуден қорғау үшін ата-ана бақылауы платформаларын құрған еді. Алғашқы болып жасөспірімдерге әлеуметтік желіге кіруге тыйым  салған ел – Аустралия. Одан кейін Ұлыбритания және Франция осындай заң жобасын қарастырып жатқанын хабарлады.