Қостанай облысындағы су қоймалары зерттелуде

Қостанай облысында ғалымдар екі ірі су қоймасының түбін зерттеп жатыр. Арнайы дрон арқылы айдынның әр тұсының тереңдігі, құрамы мен экожүйесіне мониторинг жүргізілді. Нәтижесінде Қаратомар су қоймасына келер жылы биылға қарағанда 150 миллион текше метр көп су түсетіні анықталды. Мұндай қорытындыны жасанды интеллект ұзақ жылдық мәліметтерді саралай келе шығарған. Ал бұл алдағы уақытта тасқын қаупі мен су қорын болжауға мүмкіндік береді.

Қаратомар су қоймасының тереңдігі 19 метр болатын. Биыл осы біздің зерттеудің нәтижесінде біздің білгеніміз – 25 метрге дейін судың көлемі көтерілген. Яғни ол су немесе көбейді немесе табаны шайылды. Құрамына келетін болсақ, ауыр металдардың үлесі судың ішінде көбейген.