Биыл зейнетақы жинағының ең төменгі шегі өзгермейді

Зейнетақы жинағынан мерзімінен бұрын қаржы шешу үшін белгіленген ең төменгі шегі биыл өзгермейді. Бұл туралы еңбек және халықты әлеуметтік қорғау вице-министрі Виктория Шегай мәлімдеді. Оның айтуынша, жыл басынан бері, шек кестеге сай көтерілген. Әлеуметтік кодекске сәйкес, келесі кезеңде қолданылатын жеткіліктілік шектері/ жаңа жыл басталғанға дейін бір ай бұрын жариялануы тиіс. Соңғы бес жылда азаматтар зейнетақы қорынан шамамен 5 трлн теңге алған. Оның 1 трлн теңгесін 20-35 жас аралығындағы азаматтар пайдаланған.