Қазақстанда AI фильмдер фестивалі өтеді

Қазақстанда алғаш рет жасанды интеллект көмегімен түсірілген фильмдер фестивалі өтеді. Халықаралық дода күзге жоспарланған. Шараға әлемнің түкпір-түкпірінен режиссерлер, IT-мамандар мен ірі технологиялық компаниялардың өкілдері жиналады. Ең қызығы — енді фильм түсіру үшін міндетті түрде үлкен студия немесе қымбат техника қажет емес. Жасанды интеллектінің көмегімен кез келген идеяны экранға шығаруға мүмкіндік бар. Қазақстанның бұл фестивальді өткізуі де кездейсоқ емес. Соңғы жылдары еліміз жасанды интеллект саласын қарқынды дамытып, Орталық Азияда көшбасшы атанып отыр.