«Адал азамат – ауыл мектебінің келешегі»: Қостанайда дәріс-кеңес өтті

Ауылдағы білім ошағы озық технология мен ұлттық құндылық тоғысқан орта болуы тиіс. Қостанайда өткен  «Адал азамат – ауыл мектебінің келешегі» атты республикалық семинар-тренингте балалардың киберқауіпсіздігі мен цифрлық сауаты талқыланды. Сондай-ақ жиында мұғалімдердің заманауи дағдыларын дамыту мәселесі көтерілді. Мұндай бастама ауылдағы білім сапасын жаңа деңгейге көтеруге серпін береді дейді ұстаздар.

Бірер жыл бұрын ауыл және қала мектептері деңгейінің арақашықтығы жер мен көктей еді. Ал енді қазіргі тұрғыда біз тепе-тең дәрежеде жұмыс істеп келе жатырмыз. Себебі ауыл мектептеріне қазір жағдай жасалуы, жаңа технологиялармен қамтамасыз етілуі -  біз үшін керемет.