Қостанайда ₸2,5 млрд субсидия ұрлағандар сотталды

Қостанайда 2,5 млрд теңге субсидия қаражатын жымқырған 30 адамға сот үкімі шықты. Олар ауыл шаруашылығы мен ет өңдеу саласына бөлінген демеуқаржыны қалталарына басқан.

Айыпталушылар қатарында кәсіп басшылары, жұмысшылар, ветеринария мамандары мен бухгалтер және басқарма қызметкері бар. Іс аясында салықтан жалтару, ұйымдасқан топ құру, пара алу мен беру және жалған құжат жасау деректері бойынша айып тағылды. Сот шешімімен олар 2 жылдан 14 жылға дейін бас бостандығынан айырылды.