Алаяқтар астаналық тұрғынның 20 миллион теңгесін жымқырды

Алаяқтар астаналық тұрғынды алдап, 20 миллион теңгесін жымқырды. Әккілер өздерін ұлттық байланыс операторы ретінде таныстырып, қосымша телеарналарды қосуға 30 пайыз көлемінде жеңілдік жасайтынын айтқан. Тұрғын осыған сеніп, жеке деректерін берген. Араға бірнеше минут салып, оның депозиттік шотындағы қаржы түгел ұрланған. Іс бойынша сотқа дейінгі тергеп-тексеру басталды. Астана қаласының прокуратурасы азаматтарды сақ болуға, бейтаныс нөмірден келген нұсқаулықты орындамауға шақырады.