Үкімет Конституцияны ілгерілету жөніндегі іс-шаралар жоспарын бекітті

Үкімет жаңадан қабылданған Конституцияны түсіндіру жөніндегі іс-шаралар жоспарын бекітті. Тиісті қаулыға Премьер-министр Олжас Бектенов қол қойды. Жоспар үш бағыт бойынша 36 іс-шараны қамтиды: ұйымдастыру шаралары, ақпараттық-түсіндіру жұмыстары және Конституцияның орындалуын құқықтық қамтамасыз ету. Мәселен ұйымдастырушылық іс-шаралар аясында Конституция мәтінін басып шығару және тарату, мүгедектігі бар адамдар үшін бейімделген форматта әзірлеу. Конституция электронды платформаларда орналастырылады. Жалпы Жоспар Конституция нормаларын халық арасында кеңінен түсіндіруді және еліміздің  Негізгі Заң ережелерінің толыққанды жүзеге асырылуын қамтамасыз етеді.

Еске салайық, жаңа Конституция шілдеден бастап күшіне енеді.