Медицина қызметкерлерінің атынан алаяқтық қоңыраулар жиіледі

Азаматтарға емханаларға барғаннан кейін телефонына түсетін күмәнді қоңыраулар көбейген. Ақ халаттылардың  атын жамылған алаяқтар әсіресе егде жастағы адамдарды құрығына түсіріп, өздерін емхана қызметкері ретінде таныстырады. Бұл кең таралған алдау схемаларының бірі. Мақсат - тұрғындарды жаңылыстыру арқылы олардың жеке деректері мен қаржылық сервистеріне қол жеткізу. Осыған байланысты Денсаулық сақтау министрлігі белгісіз тұлғаларға SMS-кодтарды және жеке деректерді бермеуге шақырады. Мамандарға келу үшін ешқандай растау код талап етілмейді. Олар тек сіздің аты-жөніңізбен қабылдау жазбасын нақтылайды.