Елімізде бірқатар дәрі-дәрмектің бағасы 25%-ға дейін арзандады

Қазақстанда кейбір дәрі-дәрмектің бағасы 25%-ға дейін арзандады. Бұл туралы Денсаулық сақтау министрлігі хабарлады. Шамамен 5 мыңға жуық дәріге шекті баға белгіленген.

Нақтырақ айтсақ, жүрек-қан тамырлары, тыныс алу жүйесі, инфекциялық және басқа да кең тараған ауруларға арналған дәрілердің құны тұрақталды. Бағаны негізсіз өсірмес үшін дәріханаларға талап күшейді. Шекті бағадан асырса, әкімшілік жауапкершілік қарастырылған. 20 өңірде мониторинг жүргізілді. Тұрғындар бағаның негізсіз өскенін байқаса, DariKZ мобильді қосымшасы арқылы шағым түсіре алады.