Павлодар мен Қарағандыда «Таза бейсенбілік» өтті

«Таза бейсенбі» акциясы аясында Павлодардағы саябақтар мен қоғамдық орындар жаңарып қалды. «Аmаnаt» партиясы облыстық филиалының «Жастар қанаты» мүшелері еріктілермен бірлесіп гүлзарларды тазалап, қоршауларын әктеді, қыстан қалған қоқысты шығарды. Алдағы уақытта да жастар өзара топ-топқа бөлініп, тұрғындар демалатын орындар мен балалардың ойын алаңдарын ретке келтірмек.

Қабдол Абулғазиз, колледж студенті:

Біз студенттер тек білім алумен шектелмей, елімізге, қоғамға пайдалы істерге белсене қатысуымыз керек. Бұл «Таза Қазақстан» акциясына жастарды, студенттерді белсене қатысуға шақырамын. Себебі біз біріксек, елімізді таза және көрікті, жайлы ете аламыз.

Бүгін біз «Amanat» партиясының мүшелерімен және еріктілермен бірге «Таза Қазақстан» акциясы аясында «Таза бейсенбілікке» шықтық. Біздің мақсатымыз – қаламызды қоршаған ортамызды таза ұстау. Барлық қарағандылықты осы іс-шараға атсалысуға шақырамын.