Халық саны 20 миллион 500 мыңнан асты

Елдегі халық саны 20 миллион 500 мыңнан асты. Ұлттық статистика жүргізген мәліметке сүйенсек, жыл басынан бері 32 мың 418 адамға артқан. Оның 28 мың 835-і жаңа туған нәресте. Ал көші-қон арқылы 3 мың 583 адам келген. Қазіргі таңда 13 миллионнан астам қалада, ал 7,4 миллион азамат ауылдық жерлерде тұрады. Халық көп шоғырланған аймақтар тізімі: бірінші Алматы, одан соң Түркістан облысы және Астана қаласы. Ең аз адам саны Ұлытау облысында тіркелген.