Ақтауда аяғы ауыр әйелдерді алдаған есепші сотталды

Ақтауда жүкті әйелдерді жұмысқа орналастырамын деп алаяқтыққа барған есепші бес жылға сотталды.  

Ол өзінің кәсіби білімін пайдаланып, жүкті әйелдерді қолдауға арналған мемлекеттік әлеуметтік төлемдерді заңсыз алу схемасын ойлап тапқан. Сол үшін әлеуметтік желіде жарнама жасап, жәрдемақы көлемін арттыруға көмектесемін деп, уәде еткен. Схеманы жүзеге асыру үшін туыстары мен таныстарының атына қағаз жүзінде бірнеше жеке кәсіпкерді тіркеген. Нәтижесінде мемлекетке 146 млн теңге көлемінде залал келтірілген. Қылмыстық жолмен алынған қаражатқа үш бөлмелі пәтер сатып алған. Сот үкімімен есепші 5 жылға сотталып, пәтері тәркіленді.