Қостанайда полицияны соққыға жыққан бұзақылар ұсталды

Қостанайда бір топ бұзақы полиция қызметкерін соққыға жықты. Қызметтен тыс уақытта балаларымен келе жатқан тәртіп сақшысы оларға масаң күйде қоғам тыныштығын бұзғандары үшін ескерту жасаған. Алайда құлақ асу орнына бірден жабыла кетіп, балаларының көзінше тепкінің астына алған. Көп ұзамай күдіктілердің бәрі анықталып, ұсталды. Аталған дерек бойынша қылмыстық іс қозғалды. Облыстық полиция департаменті қызметкерге қарсы жасалған кез келген құқықбұзушылық қатаң жазаланатынын және кінәлілер толық жауапкершілікке тартылатынын мәлімдеді.