Ақтөбе облысында 150 орындық балабақша ашылды

Ақтөбе облысының Ойыл ауылында Үкімет резервінен бөлінген қаржыға жаңа балабақша ашылды. Бұл нысан Президенттің су тасқынынан зардап шеккен білім беру мекемелері мен ұйымдарын қалпына келтіру туралы тапсырмасы аясында салынды.

Екі жыл бұрынғы су тасқыны кезінде Екпетал ауылындағы үйлер мен әлеуметтік нысандар түгелдей жарамсыз болып қалған еді. Халық аудан орталығына көшірілді. 150 орындық жаңа балабақшаның игілігін аталған елді мекеннен көшіп келген тұрғындардың балалары да көреді. Нысан заманауи талаптарға сай жабдықталған. Мұнда білікті, тәжірибелі мамандар қызметке тартылған.

Гүлмира Садақбаева, аудандық білім бөлімі басшысының м.у.а:

«Балбұлақ» бөбекжай бақшасы ойын алаңдары, ойын бөлмелері – барлығы да заман талаптарына сай жасаталған. Бұл бөбекжай бақшада тоғыз топ бар және нысан бір жастан бастап тәрбиеленушілерді қабыладуға дайын.