Алматыда «Жер сағаты» акциясына 40-қа жуық сауда үйі қатысты

Алматыда «Жер сағаты» акциясы ерекше форматты өтті. Бастамаға қала бойынша 40-тан астам сауда үйі, әкімшілік ғимараттар қатысты. Шара тек жарықты өшірумен шектелмей, қала тұрғындары үшін концерт ұйымдастырылды. Өнерпаздар жарықсыз әрі микрофонсыз ән шырқады. Бұл - энергияны үнемдеудің маңызын көрсетіп, табиғатпен үндестікті сезінуге мүмкіндік берді. Қазақстан бұл жаһандық науқанға 17 жыл қатарынан қосылып отыр.

Ғалымжан Нарымбетов, ЮНЕСКО клубтарының елшісі:

Біздің экологиямыз жастардың, біздің замандастардың болашағы деп ойлаймын. Сондықтан мына экологияны сақтау үшін жалпы жарықты өшіруді сұраймыз. Мұндай жобаларды қуана-қуана қолдаймыз.