Әкімшілік айыппұлдар кешіріледі

Амнистия аясында әкімшілік айыппұлдардың барлық түрін кешіру ұсынылды. Бұл туралы бүгін Үкімет кулуарында Сенат депутаты Марат Қожаев айтты. Бірінші кезекте мүгедектігі бар азаматтар мен көпбалалы отбасылардың «қарызы» есептен шығарылуы мүмкін. Бірақ адамның өміріне қауіп төндіретін әрекет үшін салынған айыппұлдар рақымшылыққа ілікпейді деді депутат. Айта кетсек, әкімшілік істер бойынша рақымшылық Мемлекет басшының тапсырмасымен ел тарихында алғаш рет жарияланбақ. Президент Парламентке қазіргі сессияның соңына дейін тиісті заң қабылдауды тапсырған еді.