Басты Жаңалықтар Зияткерлік меншік объектілерін тіркеу 25%-ға артқан

Зияткерлік меншік объектілерін тіркеу 25%-ға артқан

27.03.2026 17:09

Биыл зияткерлік меншік объектілерін тіркеу 25%-ға артқан. Заңнаманы жетілдіру және тіркеу рәсімдерін жеңілдету нәтижесінде көпшілік авторлық құқыққа аса сақтықпен қарай бастапты. Бұл туралы бүгін Адам құқықтары жөніндегі комиссия отырысында айтылды. Салада ауқымды цифрлық трансформация жүзеге асырылған. Арнайы іске қосылған бірыңғай платформа келісімшарттарды онлайн жасауға, жұмысты автоматтандыруға мүмкіндік береді. Бұл туралы жаңа Конституцияда да анық жазылған. Яғни, азаматтардың шығармашылық еңбегін, инновациясын және кәсіпкерлік бастамаларын қорғау адам құқықтарын қамтамасыз етудің маңызды бөлігі ретінде қарастырылып отыр. Сондай-ақ кәсіпкерлер енді өз брендтерін небәрі 3 ай ішінде жедел тіркей алады.

Тастемір Әбішев, ҚР Президенті жанындағы адам құқықтары жөніндегі комиссия төрағасының орынбасары:

Қазір өздеріңіз білесіздер, көптеген фирмалар, адамдар болсын басқа үлкен фрималардың брендтерін алып алып, өздерінің өнімдерін іліп қойып, соның өнімі деп шығарып жатыр. Соған тосқауыл қою. Бұл өте маңызды. Себебі біреудің меншік құқығына қол сұғып, оны өзіңнің атыңнан шығару ол адам құқықтарын бұзудың ең өрескел түрлерінің қатарына жатады.

Автор

Ернұр Медет

Бөлісу