СІМ: Қазақстан Түркістанды Иран бойынша келіссөз алаңы ретінде ұсынуға дайын

Қазақстан Түркістанды Иран бойынша келіссөз алаңы ретінде ұсынуға дайын. Еліміздің Сыртқы істер министрі Ермек Көшербаев Иран Ислам Республикасы Сыртқы істер министрі Аббас Аракчимен телефон арқылы сөйлесті. Таяу Шығыстағы қазіргі жағдайды талқылап, екіжақты ынтымақтастықтың өзекті мәселелері бойынша пікір алмасты. Ермек Көшербаев осыдан бұрын Қазақстан Президенті Қасым-Жомарт Тоқаев мәлімдегендей Қазақстан тарапы бейбіт келіссөздер өткізуге алаң ретінде Түркістан қаласын ұсынуға дайын екенін жеткізді. Сонымен қатар, тараптар екіжақты қатынастардың өзекті мәселелері бойынша диалогты жалғастыруға келісті.