Астанада «Run for Autism» жүгірісі өтеді

Аутизмі бар адамдарды қолдаймын дейтін жандар жуырда «Run for Autism» жүгіру жарысына қатыса алады. Жылда ұйымдастырылатын қайырымдылық спорттық шара биыл 26 сәуірде Астанадағы ботаникалық бақта өтеді. Сайыс уақытының осылай таңдалуы да бекер емес. Сәуір – аутизм туралы ақпараттандыру айы болып есептеледі. Бүгін жарыс алдында баспасөз конференциясы өтті. Ұйымдастырушылар қонақтарға былтырғы нәтижелерін бөлісіп, қатысушыға берілетін старттық жинақты таныстырды. Спорттық шараға кәсіби атлеттер, даму ерекшеліктері бар балалар мен жасөспірімдер, олардың отбасылары, мүмкіндігі шектеулі жандар, сондай-ақ инклюзияға бейжай қарамайтын азаматтар бірге қатыса алады.

Бұрынғы үш жылдың ішінде 6500 жуық қатысушымыз болды. Осы соңғы үш жылда жиналған қаражатқа біз елордадағы балабақшаларда, мектептерде және колледждерде инклюзияны қолдау кабинеттерін аштық. Біз ары қарай олардың кәсіби білім алуына көмектескіміз келеді. Сондықтан «Run for Autism» осы жасөспірімдер мен ересектерге арнайы кәсіби білім беруге бағытталады.