Елімізде «Жас құтқарушы» атты 50 сынып ашылды

Мектеп оқушылары құтқарушы мамандығының қыр-сырын меңгеріп жатыр. Бүгінде ел бойынша «Жас құтқарушы» атты 50 сынып ашылған. Онда шамамен мыңға жуық оқушы білім алады. Жоба аясында жеткіншектер тіршілік қауіпсіздігінің негіздерін игеріп, төтенше жағдайларда әрекет ету мен алғашқы көмек көрсетуге қажетті теориялық және практикалық дағдыларды үйренеді. Аталған бастама балалар арасында қауіпсіздік мәдениетін қалыптастыруға бағытталып отыр.