Олжас Бектенов Ресей үкіметінің төрағасымен кездесті

Қазақстан Премьер-министрі елге жұмыс сапарымен келген Ресей Үкіметінің төрағасы Михаил Мишустинмен кездесті. Олжас Бектенов өз сөзінде қазақ-ресей қатынастары жаңа деңгейге көтеріліп, өзара сауда көлемі 30 млрд долларлық межеге жуықтағанын жеткізді. Тараптар екіжақты келіссөздер жүргізіп, сауда-экономикалық, инвестициялық ынтымақтастық, өнеркәсіп, энергетика және көлік саласындағы жобаларды жүзеге асыру бойынша өзара іс-қимыл мәселелерін қарады. Каспий теңізінің экожүйесін сақтауға назар қойылды. Жиында, сондай-ақ кеден жүйелерін цифрландыру саласындағы ынтымақтастық жайлы да сөз қозғалды.

Ержан Біржанов, ҚР Қаржы вице-министрі:

Осы теміржол қатынастары арасында қағаздан арылып тек электрондық форматқа көшу. Бұл жоба қазіргі таңда іске асып жатыр. Соның арқасында рәсімдеу процестері 30 минуттан 10 минутқа дейін азайды. Екі ел арасындағы шекара бекеттерінде жаңғырту жұмыстары жүргізіліп жатыр. Осы 30 бекет жаңа заманауи талаптарға сай болады.