БҚО-да ауыл жолын қарғын су бұзып кетті

Батыс Қазақстан облысы Теректі ауданы Дуана ауылының жолын еріген қар суы бұзып кетті. Аудан әкімі Әлия Мұханбетжанованың айтуынша, бұл – жылда қайталанатын жағдай. Жолда асфальт төсемі жоқ. Былтыр кіреберіс жолға екі су өткізу құбыры салынған. Ал жоба бойынша 5 құбыр салынуы керек. Оған қаражат жетпеген. Қазір судың ағысы бәсеңдеген. Көлік қозғалысы реттелген. Қазір елдімекенге қатынас бар. «Кезекшілік ұйымдастырылды, жағдай бақылауда»,- дейді Теректі ауданының әкімі. Ауылдық округ орталығы Сарыөмір мен Дуана ауылының арасы 25 шақырым. Ауылда 25 үй бар.