Мемлекет басшының атына Наурыз мерекесіне орай құттықтау жеделхаттары келіп түсті

Мемлекет басшының атына Наурыз мерекесіне орай құттықтау жеделхаттары келіп түсті. Ресей Президенті Владимир Путин  жеделхатта екі ел арасындағы ықпалдастықтың жоғары деңгейін атап өткен. Қытай Төрағасы Си Цзиньпин де қазақстандықтарды Ұлыстың ұлы күнімен құттықтап, Президент Қасым-Жомарт Тоқаевтың деніне саулық, еңбегіне табыс тіледі. Өзбекстан Президенті Шавкат Мирзиёев ерте заманнан келе жатқан мереке екі ел арасындағы байланыстарды кеңейтуге ықпал етіп, өзбек-қазақ халықтарының тұрмыс-тіршілігіндегі айтулы күн деп санайды. Мемлекет басшысын сонымен қатар Қырғызстан, Тәжікстан, Әзербайжан, Беларусь және Иран Президенті құттықтады.