Наурызнама аясында 200-ден аса ауқымды шара өтеді

Алматыда Ұлыстың Ұлы күні Наурыз мерекесі сән салтанатымен тойланып жатыр. Алып шаһар мерекелік көңіл күйге бөленіп, думан мен шаттық лебі сезіледі. Мегаполисте Наурызнама аясында 200-ден аса шара жоспарланған. Мерекенің ортасынан әріптесім Айдана Қуантхан тарқатады. 

Таң сәріден қаланың әр нүктесінде ауқымды шаралар ұйымдастырылған. Жиналған халықты роботтар билеп қарсы алып жатыр.

Айдана Қуантхан, Тілші:

Робо-киіз үйдегі қызығушылық тудырған құрылғылардың қатарында – электр энергиясы панельдері бар. Жоба ток көздерінің жұмысын бақылап, энергияны ұтымды пайдалануды қамтамасыз етеді.

Нұрила Дәулет, Оқушы:

Ал ипподромда түйемен жамбы ату, ат үстінде тік тұру спооты бойынша екі бірдей әлемдік рекордтың куәсі болдық. Тәжірибелі шабандоздың бірі – Ернарды жеңісімен құттықтаймын.

Ернар Жасұзақ, Шабандоз:

Көңіл-күй тамаша, қанша уақыттан бері дайындалған еңбек ақталды. Мына шапанның етегіндегі маңдай термен, айттың жалынындағы тер ақталды десек болады. Осы рекордтың орнауына тікелей Топжарған командама алғыс білдіремін.

Айдана Қуантхан, Тілші:

Алып шаһарда өткен Наурыз мерекесінде  ұлттық дәстүр мен заманауи технология үйлесім тапты. Мереке алдағы күндері де жалғаса бермек.