Алматы облысында «Таза Қазақстан» эко науқаны ұйымдастырылды

Алматы облысында Ұлыстың Ұлы күні Наурыз мерекесі қарсаңында «Таза Қазақстан» эко науқаны ұйымдастырылды. Игі бастамаға жүзден астам адам қатысты. Науқан барысында көшелер тазартылып, аулалар мен қоғамдық орындар қоқыстан аршылды. Сонымен қатар, ағаштар әктеліп, олардың күтімі қолға алынды. Қала келбетін жақсарту мақсатында жаңа көшеттер отырғызылып, жасыл желекті көбейтуге ерекше көңіл бөлінді. Ұйымдастырушылар мұндай шаралар тек қоршаған ортаны таза ұстауға емес, тұрғындардың экологиялық мәдениетін қалыптастыруға да ықпал етеді, - дейді.