Е.Қарин: Қазақстан заманауи мемлекеттік-саяси үлгіге көшті

«Жаңа Конституцияны қабылдау заманауи әрі серпінді мемлекеттік-саяси модельге көшкенімізді білдіреді. Алдымызда заңнамалық базаны үйлесімді ету бойынша ауқымды жұмыс күтіп тұр».

Мемлекеттік кеңесші Ерлан Қарин өзінің телеграм арнасында осылай деп жазды. Ол бірінші кезекте жаңадан 5 конституциялық заңды және шамамен 60 кодекс пен заңды қабылдау қажет екенін атап өтті. «Бұл ретте ақпараттық-түсіндіру жұмыстарын күшейту маңызды. Осылайша Ата Заңның қабылдануымен конституциялық, институционалдық және идеологиялық деңгейлерде жаңа қоғамдық әдептің біртұтас мағыналық негізі қалыптасады», - деді Мемлекеттік кеңесші.