Польша және Ватикан елшілері қазақстандықтарды Наурыз мейрамымен құттықтады

Польша және Ватикан елшілері қазақстандықтарды Наурыз мейрамымен құттықтады. Дипломаттар тілектерінде мерекенің тек мәдени дәстүр емес, сонымен қатар қоғамдағы бірлік пен саяси тұрақтылықтың символы екенін атап өтті.

Михаил Лабенда, Қазақстандағы Польша елшілігінің сенімді өкілі:

Сәлеметсіздер ме! Менің атым - Михаил Лабенда. Мен Польша елшілігінің өкілімін. Наурыз мерекесі құтты болсын! Жеті қазынамыз әрдайым толық болсын. Төрт түлек сай болсын. Ата-бабаларымыздың ақ батасы бізбен болсын. Ата-аналарымыздың денсаулығы мықты болсын. Дастарханымыз әрдайым мол болсын. Қазанымыз оттан түспей қайнасын. Қыдыр ата шаңырағымызға қонып, ақ молайып, ырыс-дәулет тасысын.

Джордж Панамтундил, Қасиетті тақтың апостолдық нунциосы:

Құрметті, Қазақстан халқы! Наурыз мейрамы құтты болсын. Сіздерге денсаулық, бақыт және бірлік тілеймін. Әрқашан бейбітшілік пен бірлік болсын.