Қарағандыда дрондар бауырсақ таратып жүр

Қарағандыда Наурызнама онкүндігі аясында дрондар тұрғындарға бауырсақ таратты. Ерекше бастама Digital Наурыз-2026 атауымен өтті. Осылайша көктен келген дәмнен көпшілік ауыз тиіп, ерекше қуанды. Онымен қоса қала мектептерінде «Бауырсақ-party» өтті. Оқушылар ата-аналарымен бірге бауырсақтың 30-дан астам түрін дайындап жұртшылыққа тарту етті. Жалпы Қарағанды облысында Наурызнама аясында мыңнан астам іс-шара өтпек. Тұрғындар үшін көрме, концерттер және интерактивті шеберлік сабақтары ұйымдастырылады.