Президент жаңа Конституцияны іске асыру жөнінде жұмыс кеңесін өткізді

Мемлекет басшысының төрағалығымен жаңа Конституцияны іске асыру мәселесі жөнінде жұмыс кеңесі өтті. Жиынға жоғары мемлекеттік органдардың басшылары қатысты. Президент алда заңдар мен өзге де нормативтік-құқықтық актілердің ережелерін жаңа Конституцияға сәйкестендіру бойынша ауқымды жұмыс тұрғанын айтты. Жалпы, алты конституциялық заң және өзге заңнамалық актілерге өзгерістер мен толықтыру енгізу жөнінде үш заң қабылдау қажет.  Сондай-ақ Үкімет заңға тәуелді нормативтік-құқықтық актілерді кешіктірмей түзетуі тиіс.