«Наурыз» бағдарламасына өтінім біраз уақыт қабылданбайды

«Наурыз» ипотекалық бағдарламасына өтінім қабылдау уақытша тоқтатылады. Бұл наурыз айының 21-25 аралығындағы мерекелік демалымқа байланысты қабылданған шешім. Отбасы банктің баспасөз қызметі хабарлауынша құжаттарды қабылдау мерекеден кейін қайта жалғасады. Банктің парақшасында өтінім толтыру бойынша нұсқаулық жарияланған. Ол құжатты тез әрі қатесіз толтыруға көмектеседі. Шарттарына тоқталсақ, бағдарламаға Отбасы банк салымшылары қатыса алады. Басты талап банктегі шотыңызда кемінде 2 млн теңге болуы керек және соңғы 5 жылда атыңызда, отбасы мүшелерінің атында баспанасы болмауы шарт. Наурыз бағдарламасымен баспана алуға несие 19 жылға беріледі.