Өскемендік еріктілер аялдамаларды шимай-шатпақтан тазартты

Өскемендік волонтерлер мен эко-белсенділер қаладағы аялдамалар мен қоғамдық орындарды заңсыз жарнамадан тазартты. Волонтерлер мұндай тазалық акциясын үнемі өткізіп келеді. Олардың айтуынша, заңсыз жарнамаларды тазарту – қала келбетін сақтау мен қоса тұрғындардың мәдениетін арттыруға да ықпал етеді. Сондықтан волонтерлер бұл бастаманы алдағы уақытта да жалғастыруға ниетті. Ал қар кетіп, жер кепкен соң сенбілік жұмыстарына кіріспек.

Гүлнұр Сләмханова, волонтер:

Біз мұндай шараларға жиі қатысамыз. Қазір біз аялдамаларды аралап, заңсыз жарнамаларды тазартудамыз. Жарнамаларды тазарту адамдарға септігін тигізеді. Адамдардың көп нәрселерге бейімделмеуіне көмектеседі деп айта аламыз.