Оралда «Ерке сылқым» күйін 500 оқушы орындады

Оралда Мәдениет және салт-дәстүр күніне орай 500 оқушы бір мезетте «Ерке сылқым» күйін орындады.

Осылайша Наурызнаманың онкүндігі аясында қала мектептерінің шәкірттері мен колледж студенттері ұлттық өнерді насихаттады. Күйші-композитор Әбдімомын Желдібаевтың «Ерке сылқым» күйі жасқа да, жасамысқа да жете таныс болғандықтан, іс-шараға осы шығарма таңдап алынған. Бұл бастама жас ұрпақтың дәстүрлі өнерге қызығушылығын арттырмақ. Әрі мәдени мұраны дәріптеуді, Наурыз мерекесінің рухани мазмұнын тереңдетуді көздейді.

Мұхамед Сабырғали, оқушы:

«Ер Тұран», «Балбырауын» деген күйлерді білемін. «Тепеңкөк» пен «Адай» күйлерін үйреніп жүрмін. Жақында мен Ақтөбеге барып келгенмін. Өмірімде бірінші рет Ақтөбені көріп, Гран-при жеңіп алдым.