«Байтақ»: Конституция экологиялық саясатқа серпін береді

«Байтақ» жасылдар партиясы ел тұрғындарын жаңа Конституцияның қабылдануымен құттықтады. Саяси ұйым өкілдері жаңа Ата заңды қолдап дауыс бергенін айтады. Бұл – ортақ ұстаным мен ел болашағына деген жауапкершілігінің айқын көрінісі, - дейді партия мүшелері. Олардың айтуынша, жаңа Конституция экологиялық саясат пен жасыл экономиканы дамытуға жаңа серпін береді. Бүгін партияның Саяси кеңесінің отырысы өтіп, референдум алдындағы атқарылған жұмыстардың қорытындысы шығарылды. Дауыс беру қарсаңында Байтақ партиясы еліміздің барлық өңірінде 500-ден астам кездесу, пікірталас және ақпараттық түсіндіру шараларын өткізген екен.

Біз үшін, «Байтақ» жастар партиясы үшін жаңа Конституция экологиялық, жасыл экономиканы дамытуға жаңа импульс береді. Себебі Конституцияның басты кіріспесінің ішіндегі 11 қағидаттың көрінісі жоғарғы экологиялық мәдениетті қалыптастыру. Сонымен қатар басқа да бағыттарда қоршаған ортаның тазалығы және адам денсаулығын қамтамасыз ету мәселелері бар.