Америкалық сарапшы референдумға қатысты ойын айтты

«Заң үстемдігі қағидаты маңызды. Бұл халыққа мемлекеттік жүйенің олардың мүддесіне жұмыс істейтініне сенім береді». Америкалық сарапшы Ральф Уинни кеше өткен референдум жайында пікір білдірді. Ол оған дейін дауыс берушілермен кездесіп, қандай мәселелерді маңызды санайтынын да білген.

Ральф Уинни, «The America-Eurasia Center» вице-президенті:

Меніңше, бұл референдум өте маңызды оқиға болды. Өйткені қабылданып отырған Конституция жобасында заң үстемдігі қағидатын нығайту, еңбек құқықтарын қорғау, экологиялық тұрақтылық мәселелері айрықша көрсетілген. Заң үстемдігі қағидаты мемлекеттік жүйенің халықтың мүддесіне жұмыс істейтініне сенім береді. Сондай-ақ шетелдік бизнес пен инвесторлар үшін де тартымды орта қалыптастырады. Ал бұл өз кезегінде қазақстандықтар үшін жаңа мүмкіндіктер ашады. Сауда мен инвестиция көлемі артады, адамдардың кәсіби және жеке дамуына жағдай жасалады.