Сарапшы: Жастардың белсенділігі жоғары

Әзербайжандық сарапшы да саяси науқанға қатысты пікір білдірді. Ол әсіресе жастардың белсенділігін атап өтті. Саясаттанушы Ризван Гусейновтың пікірінше жастар – елдің болашағын айқындайтын буын.

Ризван Гусейнов, Әзербайжан ұлттық ғылым академиясы құқық және адам құқықтары институтының аға ғылыми қызметкері:

Жақында ғана Қазақстанда, Астанада болдым. Референдумға дайындыққа арналған бірнеше іс-шараға қатыстым. Қазіргі күрделі аймақтық әрі жаһандық саяси жағдайда Қазақстан үшін мемлекеттік басқару жүйесін нығайту өте маңызды деп есептеймін. Өйткені бүгінгі күні жаңа сын-қатерлер пайда болып жатыр. Қазақстан тәуелсіздік алғаннан бері шамамен 35 жыл ішінде үлкен тарихи жолдан өтті. Сондықтан заң шығарушы және атқарушы билік жүйесін, сондай-ақ мемлекеттік басқарудың басқа да тетіктерін жаңғырту – табиғи әрі заңды процесс. Жастардың белсенділігі өте жоғары екенін байқадым. Олар елдің болашағын айқындайтын буын. Сондықтан олардың саяси белсенділігі артқан сайын, қабылданатын заңнамалық өзгерістер де жастардың мүддесін көбірек ескереді.