ОРК: Референдумға қатысу көрсеткіші 73%-дан асты

Сағат 20:00-дегі мәлімет бойынша, республикалық референдумда 9 млн 126 мың 850 адам таңдауын жасаған. Бұл дауыс беру құқығы бар азаматтардың жалпы санының 73,24%-ын құрайды. Ел бойынша барлық дауыс беру учаскелері сағат 20:00-де жабылып, учаскелік комиссиялар бюллетеньдерді санауға кірісті. Референдумның алдын ала қорытындыларын Орталық сайлау комиссиясы арнайы брифингте жариялауды жоспарлап отыр. Оның уақыты әзірге жарияланған жоқ.