Павлодар облысында ауылдағылар белсенді болды

Павлодар облысындағы 521 учаскенің бәрі жабылды. Өңірде бүгін әсіресе ауыл тұрғындары белсенділік танытқан. Аймақтағы тілшіміз қазір бізбен тікелей байланысқа шықты. Болат, жергілікті тұрғындардың жалпы белсенділігі қалай болды?

Альбина, өңір халқы ерекше белсенділік танытты, әсіресе ауыл тұрғындары түс ауғанша өз таңдауларын жасап үлгерді. Ал Павлодар қаласында керісінше сағат алтыдан кейін де кісі аяғы басылған жоқ. Себебі, өндіріс орындарының жұмыскерлері кешкісін дауыс берді. Жалпы Павлодар облысында  745 мың тұрғын  болса, соның  66% пайыздан астамы дауыс беру құқығына ие. Соңғы мәлімет бойынша олардың басым бөлігі өз таңдауын жасаған. Және референдум барысында ешқандай заң бұзу деректері тіркелмеген. Бір байқағыным бүгінгі Референдум Ертіс-Баян жұртшылығын ұлттық киімімізбен табыстырғандай әсер қалдырды! Көпшілік мен сияқты шапан немесе шертек киіп белбеу тағынып келген. Міне көріп тұрсыздар, осы учаскедегі комиссия мүшелері де тегіс ұлттық киіммен жүр. Байқағаным қазақы киім кешектің өзі бұл референдумға ерекше реңк берді.