Басты Жаңалықтар Жалпыұлттық коалициясының астаналық штабы 1200-дей кездесу өткізген

Жалпыұлттық коалициясының астаналық штабы 1200-дей кездесу өткізген

15.03.2026 14:02

«Әділетті және прогрессивті Қазақстанның халықтық Конституциясы үшін!» жалпыұлттық коалициясының Астана қалалық штабы Конституциялық реформаның маңыздылығын түсіндіретін кездесу жұмыстарын аяқтады. Осы уақыта дейін штаб қала бойынша 700 мыңнан астам адамды қамтыған 1200-ге жуық іс-шара өткізді.

Коалиция құрамына 5 саяси партия мен 100-ден аса қоғамдық ұйым өкілдері кіреді. Штаб өкілдері бір ай бойы өндіріс орындарының қызметкерлері, әскерилер және қоғам белсенділермен кездесіп, жаңа Конституция жобасының басымдықтарын талқылап, дұрыс ақпарат беруге тырыстық дейді.

Ерлан Каналимов, Жалпыұлттық коалицияның қалалық штаб төрағасы:

Коалицияның басты мақсаты – мынау әлеуметтік желіде әртүрлі дұрыс емес ақпараттар шығарылады, сондықтан да халыққа болып жатқан өзгерістерді нақты түсіндіру болды, салыстырмалы түрде. Астана тұрғындарының дауыс беруге құқысы бар азаматтардың біз 80 пайызын қамтып өттік.

Қалалық Штаб басшысы саяси науқаннан қалыс қалмай, өзі де таңдауын жасауға келіпті. Мұнда тізім бойынша 2 мыңнан аса дауыс беруші тіркелген. Арасында еңбек адамдары, қариялар мен жастар да бар.

Томирис Сартбаева, қала тұрғыны:

Менің жасым 18-де, бүгін бірінші рет келіп тұрмын отбасыммен бірге. Дауыс беру әр азаматтың борышы. Мен өз таңдауымды жасадым. Темірболат Есалиев, қала тұрғыны:
Қалай үйде жатамыз бізде осы Қазақстанның бір азаматы мен азаматшасымыз. Бүкіл халық дауыс беріп жатқан кезде жасымыз үлкен деп шалқайып үйде жата алмайық деп біз де үлесімізді қосайық деп дауыс беруге деп әдейі келдік.

Айта кетейік, штабтың кездесу жұмыстары барысында халықтан 1 мыңға жуық ұсыныс жиналған.

Автор

Айжан Иманғали

Бөлісу